بِسْمِ اللّٰهِ الرَّحْمٰنِ الرَّحِيْمِ. قُلْ هُوَ اللّٰهُ أَحَدٌ ، اَللّٰهُ الصَّمَدُ ، لَمْ يَلِدْ وَلَمْ يُوْلَدْ ، وَلَمْ يَكُنْ لَّهُ كُفُوًا أَحَدٌ.
تلفظ
Bismi-llāhi-r-Raḥmāni-r-Raḥīm. Qul Huwa-llāhu Aḥad. Allāhu-ṣ-Ṣamad. Lam yalid wa lam yūlad. Wa lam yakul-lahū kufuwan aḥad.
ترجمہ
اللہ کے نام سے جو نہایت مہربان، بہت رحم والا ہے۔ کہہ دیجیے: وہ اللہ ایک ہے، اللہ بے نیاز ہے، نہ اس نے کسی کو جنا اور نہ وہ جنا گیا، اور نہ ہی کوئی اس کا ہمسر ہے۔ (112)
ماخذ: معاذ بن عبداللہ بن خبیب اپنے والد رضی اللہ عنہ سے روایت کرتے ہیں کہ انہوں نے کہا: ہم ایک بارش والی اور بہت تاریک رات میں رسول اللہ ﷺ کو تلاش کرنے نکلے تاکہ آپ ہمیں نماز پڑھائیں۔ میں آپ ﷺ سے ملا تو آپ نے فرمایا: کہو۔ میں نے کچھ نہ کہا۔ پھر آپ ﷺ نے فرمایا: کہو۔ میں نے پھر بھی کچھ نہ کہا۔ پھر آپ ﷺ نے فرمایا: کہو۔ میں نے عرض کیا: میں کیا کہوں؟ آپ ﷺ نے فرمایا: صبح اور شام سورۂ اخلاص اور معوذتین یعنی سورۂ فلق اور سورۂ ناس تین تین مرتبہ پڑھا کرو، یہ تمہیں ہر چیز کے لیے کافی ہوں گی۔ (ترمذی 3575) "یہ تمہیں ہر چیز کے لیے کافی ہوں گی" یعنی یہ تمہیں ہر شر سے محفوظ رکھیں گی۔